حكاية صفاء
حكايه صفاء
كامله
زي مجبناكي من الشارع هترجعي له تاني وملكيش ولاد عندنا .. ابنك ده تنسيه خالص تعتبريه مات.. رديت عليها من وسط دموعي .. حرام عليكم كفايه ظلم مش كفايه كنتم السبب في موت ابويا .. كمان عايزين تحرموني من ابني؟.. بلاش تيجو علي الغلابه وبلاش تعملو حاجات تمنها غالي اوي
............
انا (صفاء) كان عندي ٢٠,سنه يوم ما بدات حكايتي .. كنت عايشه مع ابويا لوحدنا بعد وفاه امي .. وسبت المدرسه علشان اقف معاه في الكشك الي علي ناصيه الشارع واساعده في شغله
وفي يوم كنت واقفه لوحدي في الكشك علشان ابويا راح يشتري بضاعه .. لما وقفت عربيه شيك جدا قدام الكشك ونزل منها راجل في منهتي الشياكه جه اشتري علبه سجاير وساب لي ٢٠٠جنبه وقال خلي الباقي علشانك .. قولت له ميصحش يابيه قال لي وهو بيبص لي نظرات كلها اعجاب. انتي بتشتغلي جديد هنا في الكشك ده؟
قولت له من ١٠سنين ..قال غريبه ازاي مخدتش بالي منك قبل. كده.. وركب عربيته ومشي وهو بيبص لي نفس النظرات .. بعد مامشي ببص في ال ٢٠٠جنيه لقيت جواها ورقه صغيره مكتوب عليها قابليني بكره الساعه ٧علي ناصيه الشارع انا اسمي (ياسر)
حطيت الورقه في جيبي وشويه وجه ابويا .. شافني مش علي بعضي وسرحانه قال لي انا خايف عليكي يابنتي. الناس الايام دي وحشه قولت له متخافش عليا انت مخلف راجل .. وفعلا تاني يوم قررت اني مش هروح اقابل ياسر بيه .. وفضلت مكاني في الكشك وهو قاعد مستني في عربيته علي اول الشارع مهو مفيش بنت تقدر تقول له لا.. شويه ولقيته جاي لي الكشك وهو متعصب وبيقول مجيتيش ليه يا صفاء؟ .. قولت له احنا مش اد المقام يابيه .. قال لي هو انا هاكلك؟ احنا هنتكلم .. قولت له احنا غلابه صحيح بس عايشين بشرفنا .. انا مش زي البنات اياها .. قال لي مالك رافعه مناخيرك في السما كده يا شاطره؟ .. متخلقتش لسه الي تقول لياسر لا.. ومسك الموبايل وكلم حد مسؤل في البلديه وبعد مخلص كلام بص لي من فوق لتحت ومشي...
بعد ساعه لقينا عربيه نقل وقفت قدام الكشك ونزل منها ضابط قال لبابا قدامك ساعتين تلم بضاعتك من الكشك قبل منشيله من هنا علشان مخالف..قعدنا نعيط انا وبابا ونتحايل علي الظابط بس مفيش فايده وفعلا لمينا البضاعه بسرعه واخدناها ع البيت واول مدخلنا البيت بابا وقع في الارض مغمي عليه وبسرعه اخدته المستشفي وهناك قالو لي انه جاله جلطه عملت له شلل ومش هيقدر يمشي بسهوله.. اخدته ورجعت البيت وبقي طول الوقت نايم في السرير.. وانا بخدمه وفرشت البضاعه قدام باب البيت وقعدت ابيعها..ويادوب الفلوس كانت بتكفي علاج ابويا ومش بنعرف نكمل باقي مصاريف البيت
ولما الدنيا ضاقت بيا وحسيت انها اتقفلت في وشي
رجع ياسر ظهر تاني ولقيته قدام بيتنا وبيقول لي. تتجوزيني؟.. قولت له احنا ناس غلابه يابيه ايش وصلنا للاكابر؟ قالي انا هعيشك انتي وابوكي زي ولاد الاكابر بس انتي وافقي.. من غير تفكير رديت عليه قولت له انا موافقه .. مهو مفيش قدامي غير كده علشان اعرف اعيش واعالج ابويا.. وقولت له بس بشرط تدخل ابويا يتعالج في احسن مستشفي وتدي له فلوس يعمل مشروع وتجيب لي شقه اعيش فيها انا وابويا.. ضحك وقال لي بس كده؟
بس انا ليا شرط ان جوازنا هيكون عرفي بورقتين مش عند ماذون .. انا فكرت وقولت مش فارقه عرفي ولا رسمي اهو كله جواز .. المهم اعالج ابويا واسدد ديونه ونعرف نعييش
خودي الفلوس دي ورقم تليفوني وبكره هفوت عليكي نوصل بابا المستشفي واخدك علي شقتك الي هكتبها باسمك ... ووافقت
وفعلا تاني يوم جت عربيه اخدت ابويا علي اكبر مستشفي علشان يتعالج هناك .. وانا معاه في المستشفي جالي ياسر وقال انا نفذت وعدي معاكي ودخلت ابوكي اكبر مستشفي يلا تعالي معايا علي شقتنا..روحت معاه لقيتها شقه جميله جدا وسالتن دي شقتي؟ قال لي دي شقتي انا .. قولت له اومال فين شقتي الب هتكتبها لي. قال لي واحده واحده لما اطمن لك الاول.. قولت له طيب والجواز؟ قال لي اه طبعا هتجوزك وطلع ورقه وقلم وكتبنا ورقتين .. وبكده بقيت مراته
وبعد كام يوم صحيت لقيته بيكلم صاحبه بيقول له هي مين دي الي اتجوزها؟ يومين بس كده العب بيها وارميها. واقطع الورقتين واجيب احسن منها واجمل منها
من صدمتي دخلت عليه الاوضه وقولت له ايه ااي انا سمعته ده؟ قال لي بس ياشاطره اسكتي وكولي عيش هو انتي كونتي تطولي انك تعيشي العيشه دي؟كلمه كمان وهرمي ابوكي بره المستشفي وارميكي انتي كمان في الشارع... لسه مكملش كلامه وتليفونه رن .. المستشفي بيبلغوه ان ابويا مات.. وقتها حسيت اني بجد يتيمه.. انا بيعت نفسي اتحملت الذل والاهانه علشان اعالجه دلوقتي هعيش لمين وهعمل ايه من غيرك يا بابا
فضلت عايشه في بيت ياسر زي الخدامه وطبعا اهانه وشتايم وضرب ولو فتحت بقي يقول لي الباب يفوت جمل والف واحده تتمني تعيش عيشتك دي. كنت بسكت مهو لو مشيت من هنا هروح فين وهعيش ازاي ؟.. وفعلا عيشت معاه وجابى لي احسن لبس وكنت بسافر معاه وبيجيب لي هدايا بس مكانش بيبات معاايا علشان اهله ميعرفوش انه متجوزني.. شكلي اتغير ولبسي بقي حاجه تانيه خالص..
عدي علينا شهرين من يوم ما ابويا مات و في يوم حسيت نفسي تعبانه ودايخه ومعدتي مقلوبه.. خليت ياسر مش موجود و نزلت للدكتور الي فاتح عياده في نفس العماره وكشف عليا وطلب مني تحليل وقال لي مبروك يا مدام انتي حامل في شهرين.. خرجت من عند الدكتور خايفه مش عارفه اعمل ايه.. قررت اخبي موضوع الحمل عن ياسر .. وفعلا مقولتش حاجه وعيشت حياتي عاديوبعد شهرين في يوم لقيت ياسر بيقول لي انتي مال بطنك عامله كده ليه؟.. قولت له معرفش .. شدني من شعري وقال لي عارفه لو طلعتي حامل ومخبيه عليا؟ مش هخلي فيكي حته سليمه.. البسي يلا علشان اوديكي للدكتور يشوف ايه حكايتك.. قولت له لا بلاش دكتور انا هقول لك الحقيقه.. انا حامل في الشهر الرابع. وخوفت اقول لك احسن تسقطني ابوس ايدك م خليني احتفظ بيه ده ابنك.. نزل فيا ضرب بكل قوته وهو بيقول علي اخر الزمن واحده زيك عايزه تضحك عليا .. فضل يضربني لحد معملت نفسي اغمي عليا وهو من كتر الضرب افتكرني موت .. قعد يحاول يفوقني مفوقتش. لقيته شالني ونزل العربيه واخدني في مكان بعيد وفاضي ورماني في الشارع ومشي.. اول ما مشي وقفت افكر هروح فين دلوقتي يارب انا مليش حد ..
فضلت امشي شويه لحد متعب اقعد ارتاح لحد ما لقيت واحد وقف بعربيته وقال لي مالك انتي تعبانه؟ محسيتش بنفسي وفوقت لقيته وداني المستشفي وواقف جنبي يطمن عليا.. اول مفتحت عينيا قال لي حمد لله علي سلامتك مالك ايه حكايتك؟ .. سالته احنا فين وانت مين؟
قال احنا في اسكندريه. وانا اسمي (عادل) وبشتغل محامي .. انتي ايه حكايتك وايه الجروح والكدمات الي في جسمك دي؟
حكيت له كل حاجه بالتفصيل .. ولما خلصت قال لي ياااه .. كل الظلم ده شوفتيه ؟
متخافيش انا هقف جنبك واجيب لك حقك وحق ابنك .. وهتيجي تعيشي معايا انا واختي (هاله)عايشين لوحدنا وفعلا اخدني البيت و هاله قابلتني احسن استقبال وقالت لي اعتبريني اختك
وفعلا عشت معاهم لاول مره مطمئنه.. وعادل رفع لي قضيه اثبات نسب الطفل وطبعا في المحكمه ياسر انكر بس اضطر يعترف بالطفل لما عادل قال له هنطلب تحليل منك ومن الطفل وقتها مش هتقدر تنكر
مرت الايام وانا عايشه مع عادل وهاله واول مره احس احساس العيله من يوم وفاه امي
ولما بقيت في الشهر التامن وفي يوم هاله نزلت مشوار وعادل كان في شغله لقيت جرس الباب .. فتحت لقيت قدامي اخر حد كنت اتوقع اشوفه.. لقيت ست بتقول لي انا مامت ياسر .. وقفت مذهوله قالت لي مش هتدخليني ول هنفضل واقفين نتكلم علي الباب كده؟ وسعت لها علشان تدخل وانا مش فاهمه هي جايه ليه...
قالت لي يابنتي انا حبيتك من كلام ياسر عنك وانتي بنت جميله وانا متمناش لابني زوجه احسن منك وفوق كل ده انتي هتبقي ام ابنه الي هو حفيدي يعني خلاص احنا بقينا عيلتك .. بلاش تخلي المحامي ده يلعب في دماغك هو من مصلحته تكملي في القضيه علشان يكسب شهره شوفي طلباتك ايه وانا تحت امرك انتي من النهارده بنتي.. قولت لها انا كل الي طلباه ان ياسر يتجوزني رسمي عند ماذون ولو حتي يطلقني بعدها مش مهم بس علشان ابني يبقي منسوب لابوه .. قالت لي غصب عنه يتجوزك رسمي وهتفضلي مراته وام ولاده .. يلا تعالي معايا دلوقتي وكل الي تقولي عليه هعمله لك .. يلا خليني افرح بابني وحفيدي....
معرفش ازاي نزلت معاها واول مركبت العربيه. لقيت ياسر قاعد مستني ومامته قالت له يلا اطلع علي الماذون علشان تتجوز صفاء رسمي. دي ام ابنك ومش عايزه اسمع ولا كلمه .. وفعلا. اتجوزنا رسمي وبعد كده اخدوني اتنازلت عن كل القضايا والمحاضر .. طبعا مهو مبقاش لها لزوم دلوقتي ..
واخدوني عندهم في البيت ودخلوني اوضه وقفلو الباب عليا بالمفتاح يعني حبسوني.. طبعا معرفتش اتصل بهاله ولا عادل علشان افهمهم الي حصل
وعدت ايام والحال زي ماهو. . انا محبوسه عندهم بيدخلو لي الاكل في الاوضه ومش مسموح اعتب بره بابها.. وفي يوم جت لي الام الولاده. وياسر قال لمامته ناخدها علي المستشفي.. قالت له لا انا هجيب دكتور العيله يولدها هنا في البيت بلاش فضايح .. وفعلا ولدت .. ولد زي القمر ياسر ومامته سموه (ادم).. وفات شهر وانا وابني في نفس الاوضه مش مسموح لي اخرج منها
وفي يوم صحيت الصبح ملقيتش ابني جنبي. . قعدت اصرخ فين ابني هاتولي ابني .. لقيت مامت ياسر بتقول لي ابنك ده تنسيه وتعتبريه مات .. انتي كونتي فاكره اننا هنقبل ان ام ابننا تكون واحده من الشارع ملهاش اصل ولا فصل زيك؟
زي مجبناكي من الشارع ترجعي تاني للشارع وابنك ده تنسيه خالص ملكيش ولاد عندنا واعتبريه مات
رديت عليها وسط دموعي حرام عليكم كفايه ظلم مش كفايه كنتم السبب في موت ابويا كمان عايزين تحرموني من ابني ؟؟؟ بلاش تيجو ع الغلابه وبلاش تعملو حاجات تمنها غالي اوي لقيت ياسر خبطني علي دماغي بعصايه محسيتش بنفسي. فوقت لقيتهم اخدوني شقه واحد صاحب ياسر وقلعوني هدومي وصوروني مع اتنين رجاله في اوضاع غلط .. ولقيت نفسي مع مامته في العربيه وبتقول لي اوعي تفكري تفتحي بوقك بكلمه هنرفع عليكي قضيه بالصور دي ونكسبها فورا وانتي مش هتطولي حاجه غير الفضايح .. .. وفتحت باب العربيه ورمتني في الشارع ومشيت
قعدت علي الرصيف بفكر. .. ايه الي حصل .. هعمل ايه واروح فين؟.. فكرت اكلم عادل وهاله بس انا حتي مش معايا فلوس اكلمهم فضلت قاعده مكاني اعيط واقول حسبي الله ونعم الوكيل يارب انت بعد شويه لقيت واحده جت سالتني مالك يابنتي عايزه حاجه؟ قولت لها عايزه اعمل مكالمه من تليفونك لو تسمحي .. وفعلا اتصلت بعادل الي جه اخدني فورا ورجعت عشت معاهم هو وهاله تاني وحكيت لهم الي حصل .. طبعا عادل زعل وقال لي انتي غلطانه ازاي صدقتيهم بعد كل الي عملوه معاكي ازاي تتنازلي عن القضايا انتي كونتي خلاص هتكسبيها .. قولت له كلامهم كان مقنع وكنت عايزه حياه كريمه لابني
طبعا عادل حاول بكل الطرق يساعدني لكن مقدرناش نعمل حاجه بسبب الصور الظلم الي صوروها لي وبيهددوني بيها
فوضت امري لله وطلبت من عادل يشوف لي شغل
ومكان اعيش فيه مهو كفايه عليهم مشاكلي لحد كده لازم اتعود اعتمد علي نفسي واكمل حياتي... وفعلا جاب لي شغل مناسب واجرت شقه صغيره قريبه من بيتهم وفضلت علي تواصل معاهم مهو انا مليش حد غيرهم
فات تلات سنين وانا علي الحال ده وكل يوم بدعي ربنا ياخد لي حقي من الظالم ويرجع لي ابني .. وفي يوم هاله وعادل جولي البيت وقالو لي اغرب حاجه ممكن اسمعها
ياسر وامه وابوه عملو حادثه بالعربيه وماتو كلهم .. صرحت وقولت لهم وابني فين؟؟؟ عادل قال متقلقيش انا سالت وعرفت انه في الفيلا بتاعتهم مع المربيه بتاعته
جريت عليه واول مشافني قولت له انا ماما .. قال لي هو انا عندي ماما طيب خوديني معاكي واخدته طبعا .. الحمد لله رجع لحضني تاني
مش بس كده ده ورث كل حاجه بعد ما ياسر وابوه وامه ماتو ... ابني ورث الفيلا والعربيات والفلوس و الشركات .. وبقيت انا المسؤله عن كل حاجه وجبت عادل وهاله يمسكو لي شغلي كله طبعا انا مش هلاقي حد اثق فيه اكتر منهم
انا مكونتش اتمني ياسر يموت وابني يتربي يتيم بس دي اراده ربنا
ربنا بيرد الظلم للمظلوم وينتقم من الظالم
... اياكم ودعوه المظلوم
...........
تعليقات
إرسال تعليق