مؤامرة 2

 #مؤامره

#الجزء_الثاني

_________________

يعود حامد مسرعا إلي بيت صباح ، ويقرع الباب كثيرا، لتفتح له بعد لحظات وهي تحمل إبنتها ذات ال 3 أعوام بين يديها

:يا ساتر يا رب أيه اللي جرا يا ست صباح

: معرفش اني يادوب دخلت الدار وروحت اطمن ع العيال

لقيت فاطمه نايمه لوحدها وملقتش أخواتها جنبها

ثم جلست علي الارض وهي تضم ابنتها إلي صدرها 

وتبكي بحرقه والم 

:طب وباقي الولاد فين؟

:مش عارفه احمد وسالم راحوا فين!!

طيب اني هدور عليهم بره متقلقيش

ثم قام بشد أجزاء بندقيته ، وخرج من البيت بحذر وهو يتلفت حوله ثم دار حول المنزل ولم يجد شئ، وحين عاد للداخل

وجد احد الطفلين بجوار امه وهي تحتضنه

:الحمدلله محمد مستخبي تحت الكنبه، ولما سمع صوتي

جري عليا..

:الحمدلله ، قولي يا محمد فين أخوك

اخذ الطفل يبكي وهو يحضن والدته

:قولي يا حبيبي ايه اللي حصل 

تردد الطفل وهو يهرش في راسه وينظر لوالدته   

فوضعت والدته يدها علي وجهه برفق وقالت

:قول يا حبيبي ايه اللي حصل متخافش

:اني صحيت من النوم ولقيت اخويا سالم بيقولي فين امي انا عاوز امي، وكان باب الدار مفتوح

اخويا جري بسرعه برا الدار وانا طلعت وراه احسن يتوه

ولما رجعنا سمعنا صوت حد جاي من فوق السطوح، إستخبينا تحت الكنبه، وبعدين شفنا رجلين راجل لابس جزمه وجلابيه سودا ..

سالم كان هيصرخ لما شافه حطيت ايدي علي بوءه وكتمت صرخته عشان ميشوفناش

وبعدين لقيناه داخل الاوضه عند فاطمه..اني خوفت احسن يخطفها ..دخلت الاوضه وراه ولما شافني 

جري ورايا ومسكني عند السلم ضربني بقلم وقعني ع الارض وسألني أمك راحت فين

قولتله انت عاوز مننا ايه

اتغاظ مني ولسه هيضربني برجله لقي اخويا ضربه بعصايه فوق ضهره ..مسك العصايا من اخويا وضربه بيها كذ علي دماغه وقع اخويا علي الارض وبعدها انا جريت بره الدار ولقيته طلع ورايا وهو شايل اخويا وجري بيه

رجعت تاني واستخبيت تحت الكنبه لحد ما رجعت امي

أخذت صباح تبكي وتقول

:يا ضنايا يابني عملك فيك ايه عديم الرحمه دا

...

عاد حامد مسرعا وأخبر شيخ الغفر بما حدث

وفي الصباح ذهب شيخ الغفر لمأمور المركز وبلغه 

بحادث الإعتداء علي منزل صباح واختفاء أحد اطفالها

بعد سماع اقوال صباح وابنها ، لم يستطع احد منهما

وصف ذلك الرجل الملثم بدقه، مما سيصعب عملية البحث

عن الجاني، أمر المأمور بتشكيل قوه من العساكر ومعهم الغفر البحث عن الطفل او اي اثر قد يدلهم عليه

في المساء..تم العثور علي ملابس الطفل تطفو علي مياه

الترعه موضوعه في كيس بلاستيك وعليها أثات دماء 

كانت تلك صدمه كبيره لكل اهالي القريه، وقد وقف الجميع في حيره من أمرهم من يفعل ذلك بطفل لاحول له ولا قوه

انهارت ام الطفل علي اثر ما حدث لطفلها وتم نقلها لمستشفي قريبه للقريه لتتلقي العلاج 

في المساء..إجتمع العمده بشيخ البلد وشيخ الغفر ورجاله

وطلب من الجميع اليقظه وتكثيف الدوريات في القريه خاصة في الليل لمنع حدوث مثل هذه الحادثه

وقال : لازم الغفر ياخدوا بالهم من شغلهم كويس

وعاوزكم كلكم تكونوا مصحصين كدا زي حامد 

وعشان شجاعته وانقاذه للست من ايد المجرم 

دا انا هصرفلو شهر مكافأه..

شعر حامد بالسعاده ..ووقف امام العمده وهو يقول

اني معملتش غير الواجب يا جناب العمده، ربنا يخليك لينا

ويديمك فوق راسنا..ثم انحني ليقبل يد العمده

واتسعت عيناه وكادتا ان يخرجا من محجريهما عندما رأي

أثر خدش حديث في يد العمده...

لو اعجبك...... اترك

تعليقا........