مؤامرة 5

 #مؤامره

#الجزء_الخامس_والأخير

____________________

كان ذلك الرجل هو العمده امين

أدرك حامد بأنه يوجد شئ غامض في الموضوع..ما علاقة العمده أمين بصباح. ولماذا يذهب اليها في ذلك الوقت المتأخر وهو متخفي...

قرر زيارة الحاج صالح في محبسه..ليحاول فك غموض القضيه

...

بعد يومين ذهب الغفير عبدالعال الي منزل صباح

وطرق باب منزلها، وعندما فتحت له.

قال لها : ازيك يا ياست صباح، انا جاي اقولك كلمتين مهمبن وماشي..بس ياريت متجبيش سيره لحد 

:خير يا عبدالعال ..قلقتني

:انا سمعت ان حامد إتقدم يطلب إيدك، وأني جيت أحذرك منه

هو الفتره الأخيره بقي يعمل حاجات مش ولا بد

:اولا اني رفضته، وبعدين حركات ايه دي..انا اعرف انه راجل محترم ومنساش ابدا وقفته معايا

:لا خلاص بقي ملوش لزوم.ادام انم رفضتيه من الاساس

انا مقدرش اتكلم وخصوصا ان العمده لو عرف اني قولت حاجه ممكن يقتلني

:وايه دخل العمده باللي بيعمله حامد

:طيب انا هقولك بس امانه متجبيش سيره لحد

:لا اطمن سرك في بير يا أخويا 

:العمده كل ليله بيروح بيت الواد حامد ، وبيكون هناك غزيه من غوازي المولد اللي في البندر

:وبعدين كمل

:اكمل ايه بقي انتي كلك مفهوميه ياست صباح

عموما اني كنت جاي احذرك من المخفي اللي اسمه حامد دا وربنا يسترها علي ولايانا...السلامو عليكوا

اغلقت الباب وهي تفكر فيما قاله لها عبدالعال

وقررت ان تتأكد من صحة كلامه

..

يطرق باب حامد في الليل ليفتح الباب يجد صباح أمامه

تدفعه من كتفه وتدخل المنزل وتجول بأعينها فيه وتجد زجاجات خمر موضوعه علي المائده وبجوارها شيشه 

 ظهرالارتباك علي وجهه حامد والذي سألها..انت بتدوري علي حاجه يا ست صباح؟

:واضح اني جيت في وقت مش مناسب

لالا ابدا ...اتفضلي بيتك ومطرحك

قولي بقي هو فين سيدك العمده امين

مفيش هنا والعمده ايه اللي هيجيبوا عندي 

انت عارف هو بييجي هنا بيعمل ايه وبيقابل مين

اخص عليك يا حامد انا متوقعتش منك كدا ابدا

:هو فين ..اطلع من عندك يا امين

توجهت لغرفه مغلقه وقف حامد اماها مانعا اياها من الدخول

الله الله..دا الكلام طلع حقيقي بقي

التفت الاثنان لمصدر الصوت حيث كان يقف العمده أمين

علي باب البيت والذي تركه حامد مفتوحا

فر حامد هاربا من الشباك

فقام أمين بجذب صباح من ذراعها بقوه وقال 

انتي بتخونيني يا زباله ومع مين مع حتة غفير شغال عندي

:انت اتجننت، انا ست محترمه ولا انتي عاوز تداري علي عملتك بعد ما كشفتك 

:عملتي انا برضو..ما كل حاجه ظاهره اهي زي عين  الشمس خمره وشيشه وست لوحدها في بيت راجل عازب في نص الليل

شعرت بالغضب وهي تصرخ في وجهه

:انت أكيد اتجننت بتتهمني بالخيانه بعد ما وقفت جنبك وساعدتك في تلفيق التهمه لأخوك الحج صالح

 واتزاح من طريقك..بعد ما وعدتني بالجواز ..وخليت البت امال اللي كنت بشتغل معاها في الدوار زمان تحطله المنوم في الشاي..وبعدها عورته في ايده عشان نثبت عليه التهمه

ونسيت كمان اني قدرت اخدع حامد المغفل واخليه يجيب شيخ البلد وشيخ الغفر لحد البيت اللي عملنا فيه المقلب 

في اخوك وعرفنا نلفقله التهمه 

بعد كل اللي حصل دا ...بتتهمني بالخيانه، قول بقي ان دي لعبه انت لعبتها عليا مع غفيرك الكلب عبدالعال عشان تخلف وعدك ليا بالجواز بعد ما وصلت للعمديه وبقي مليش لازمه عندك

وقف العمده مذهولا وهو يفكر في كلامها ..ثم سألها بإهتمام

انتي مين اللي قالك اني موجود هنا في بيت حامد

الغفير عبدالعال..كان جاي يحذرني من حامد وقالي اوعي توافقي علي جوازك منه، وقالي ان العمده بيسهر كل 

ليله عنده ومعاهم نسوان

وانا كمان اللي جابني هو عبدالعال، وقالي انه شافك داخله بيت حامد 

 أدرك أمين بأن قد نصب لهم فخ ..ثم مسك يدها وقال

:طب يلا بينا من هنا بسرعه مفيش وقت

ولكنه تفاجئ بوقوق حامد ومعه عبدالعال علي الباب أمامهم

:علي فين ياعمده، هتمشي كدا قبل ما تاخد واجبك انت وعروستك الحلوه

:انت فاكرها بالساهل كدا يا جناب العمده

التفت وراءه ليجد شيخ البلد ومعه شيخ الغفر 

وقف أمين مذهولا وهو ينظر إلي صباح ..بعد ان كشفت لعبتهم ..أخرج مسدسه من جيبه ولكن كان حامد أسرع منه

فقد ركل يده فأوقع منها المسدس 

وطلب شيخ الغفر من حامد وعبدالعال ..تقييدهما 

وتم تسليمهم الي قسم الشرطه..حيث لم تتحمل صباح كثيرا من التحقيقات ومع وجود الشهود إعترفت بالحقيقه

وتم حبسهما لحين صدور الحكم العادل لهما

وأفرج عن الحج صالح وتم رد إعتباره وعاد مرة أخري لمنصبة كعمده للبلد، وقام أخو صباح بأخذ اولادها لبيته ،لانه لم يعد لهم أحد لا أب ولا أم، وتكفل العمده بهم وخصث مبلغ لخالهم

لانه يعلم بعدم وجود ذنب لهم سوا انهم ابناء صباح

كذلك قام العمده بإعطاء حامد قطعة أرض وطلب منه بان يختار اي فتاه من القريه وسذهب ليطلبها له بنفسه

بعدما أنقذه من تلك المؤامره، والتي كادت ان تسجنه

ظلما في جريمة لم يرتكبها،نظرا لحقد وطمع أخوه وحبه للسلطه والذي أعمي قلبه وغيب عقله ،ليدوس علي أخيه

فيظلمه ويشوه صورته مقابل سلطه زائله

وذلك ما يحدث كثيرا بين الناس في زمننا هذا من ظلم وإفتراء وكذب من أجل أغراض دنيويه زائله 

جنبنا الله الظلم لانه ظلمات يوم القيامه

#تمت.............