قصة حب 4

#الجزء_الرابع

#بقلمي

بعدما ودع احمد غادة ..اقترب شاب يركب دراجه بخاريه من غادة وقام بخطف حقيبة يدها ..قم صرخت غادة مستنجده بأحمد والذي نظر لها هي تخبره بان حقيبتها سرقت

كان الشاب يسير بسرعه كبيره بأتجاه احمد الذي فكر بسرعه ووجد شجره قريبه منه فقام بكسر فرع صغير منها

ووضعه بداخل أطار عجلة الدراجه فأختل توازن الشاب

وسقط بقوه وتدحرج بدراجته فوق الأسفلت

ركض احمد وبعض الشباب خلفه وتم الأمساك باللص

والذي اصيب ببعض الكدمات والجروح، واعاد احمد الحقيبة لحبيبته وهي تنظر له بحب وفخر كبيرين

في غرفة ضابط المباحث كانت تجلس غادة وأحمد

امام الضابط ويقف اللص وبجواره بعض الشهود لاخذ اقوالهم في حادثة السرقه

يطرق العسكري الباب ويخبر الصابط بوصول الاستاذ علي كامل المحامي..

:خليه يدخل يابني

يدلف المحامي..وتجري غادة عليه وتحتضنه وهو يربت على كتفها قائلا

:انتي كويسه يا حبيبتي

:الحمدلله يابابا..لولا أحمد مكنتش عارفه كان هيحصل ايه

:انا متشكر جدا يا ابني بجد انت ابن اصول واللي خلف ما ماتش والله

:ربنا يخليك يا عمو ..انا معملتش حاجه دي غادة زي اختي

نطرت لي غادة بغضب شديد وهي تتوعده

فابتسم وهو ينظر لها 

وبعد الانتهاء من المحضر ..قام والد غادة بتوصيلها هي واحمد للمنزل

تمر الايام وتبدأ علاقة أحمد بغادة تتطور ويعترف كل منهم للأخر انه كان يحبه منذ الطفوله من وقت كانوا يلعبون مع بعض عند مدخل العماره ...تعلق الاثنان ببعضهما

وكان احمد يوعد غادة بانه سيفعل المستحيل لكي يتزوجها

ويعيشا معا للأبد

تمر الايام وتدخل فترة الامتحانات وكانت غادة تدعم احمد

وتشجعه على المذاكره المثابره لتحقيق الحلم

وبالفعل يبلي احمد بلاء حسنا ويتخرج من الكلية بتقدير جيد جدا ويصبح مهندسا وهي كذلك تجتاز عامها الثالث بكلية الحقوق بتقدير عام جيد وكانت تلك هي أسعد ايام حياتهما

ولم يكونوا علي علم بالأحداث التي ستقلب فرحتهما

والوجع الذي ينتظرهم في الايام المقبله

بعد شهرين دخل أحمد الجيش وابتعد عن حبيبته غادة

مما فتح المجال أمام أميره أختها للحديث معها عن عريس تحدث مع خطيبها عنها وقالت

:في واحد كلم خطيبي عنك

:واحد مين

:معيد في كلية التجارة صاحب محمود خطبيي

شافك في كذا مناسبه ومن ساعتها وهو متعلق بيكي

ولما سأل محمود عرف انك اختي..وهو عاوز ياخد ميعاد من بابا عشان يتقدم

:لا انسي الموضوع دا

:أنسى ايه يابنتي، انتي بتدلعي كتير ورفضتي كذا عريس

وكلهم أحسن من بعض..أنتي عاوزه ايه

:عاوزه تسبيني في حالي

:لا انتي عاوز البشمهندس احمد مش كدا

:اه وهو مالو بقى البشمهندس احمد ؟؟

:مالوش ياحبيبتي، بس مش من مستوانا

:يعني ايه مش من مستوانا هو بني ادم واحنا ملايكه

وبجناحات ما كلنا ولاد تسعه 

:بلاش طريقتك دي والتفكير بسطحيه دايما

:لا مش بفكر بسطحيه انا ، احمد بيحبني وانا بحبه

وكلها كام شهر وهيخلص جيش

:اه وبعدها يدور على شغل ويبدأ من الصفر

:وايه اللي فيها ماهو كل الشباب كدا ،لازم تتعب في الاول لحد ماربنا يكرمها ، عندك بابا أهو ابتدا من تحت الصفر كمان وهو دايما بيقولنا الكلام دا، ولا نسيتي

:لا ياستي مش ناسيه وكمان مش عاوزه افتكر ومش حابه انا ولا بابا انك تعاني في بداية حياتك..انا بتمنالك الخير وانتي عارفه كدا كويس

:وانا الخير بالنسبه ليا هو احمد مش حد تاني

ياريت تفهمي كدا كويس

يفتح والدهم باب الشقه ويبتسم قائلا

:خير يابنات انتوا بتتخانقوا ولا أيه

تحري غادة نحوه وتحتضنه قائله

:بابتي حبيبي حمدلله على سلامتك

:ازيك يادودو ياقمر وانتي كمان وحشتني،مالك بقى يا أميره مزعله أختك منك ليه

:ان ازعلها..دي تزعل بلد

:لا يابابا انت عارف انا غلبانه

:ماشي يا لمضه ..انا جايبلك حاجه حلوه معايا

:ايه شيكولاته؟

:لأ ..عريس!!

بدت السعاده على وجه أميره وهي تنظر لغادة والتي سكتت مره واحده وقالت بحزن

:عريس!!

#يتبع

#حماده_هيكل