قصة حب 5

#قصة_حب

#الجزء_الخامس

#بقلمي

تجلس غادة حزينة في غرفتها وتخرج من عندها أختها بعدما باءت كل محاولاتها معها بالفشل في أقناعها بالعريس

الذي كان قد اخذ موعد بالفعل من والدها..خرجت وأغلقت الباب خلفها فوجدت والدها بالصالون يجلس على أحد الكراسي وهو يشعل سيجاره الكوبي..نطر لها متسائلا

:ها عملتى ايه

هزت رأسها وقالت

:مفيش فايده منشفه دماغها ..أحمد مالي قلبها وعقلها بطريقه مش عاديه

:طيب سبيبي لي انا الموضوع دا

طرقات على باب غرفة غادة

:لو سمحتي يا أميرة كفايه كدا ..أرجوكي

يفتح والدها الباب ويقول

:انا بابا يا حبيبتي مش أميره

تعتدل في جلستها على سريرها وتقول

:اتفضل يابابا

يدخل فيجدها تحاول أخفاء دموعها

:ممكن اقعد

:اه طبعا يا بابا أتفضل

:مالك بقى وليه الدموع دي كلها، انتي عارفه انك اغلى حاجة عندي في الدنيا انتي وأختك ولا لأ

:أكيد عارفه يا بابا

:ليه رافضه العريس..طيب شوفيه الأول واقعدي معاه

مش يمكن يعجبك

:يا بابا أنا رافضة المبدأ من اساسه مش العريس

:دا تالت عريس ترفضيه في شهرين ومن قبلها رفضتي اتنين كمان وكلهم ماشاء الله ولاد ناس ومناصب مهمه

ايه الموضوع ممكن افهم

:مفيش مواضيع ولا حاجة..بس أنا مش عاوزه اتجوز ولا بفكر في ارتباط على الاقل قبل ما أخلص جامعه

عموما أدي نفسك فرصه تفكري وانا مش هعتبر دا ردك الأخير 

وبعدها نشوف ونقرر ايه اللي ممكن يحصل

قبل حبينها وخرج من الغرفه ...وجلس مع أميرة وقال لها

:أنا اتكلمت معاها، ومش عاوزك تحكي معاها في حاجة الليله دي ،سبيها ومتضغطيش عليها

:ماشي، بس حضرتك قولتلها على موضوع احمدا دا

:لأ ..هي متعرفش اني عرفت، وأوعي تقولي قدامها

أنك قولتي لي على موضوعها مع احمد

:طب ليه؟

:انا بفكر في حاجة كدا ..كارت هستخدمه بس مش دلوقت

لم أستنفذ كل الطرق معاها

مرت أيام ونزل أحمد أجازه من الجيش وطلبت غادة منه أن يتقابلا في مكان عام للتحدث في موضوع هام

بداخل أحدى الكافيهات تجلس غادة في أنتظار وصول احمد 

واشرق وجهها مبتسما عندما رأته قادما نحوها

وسلمت عليه بحرارة وهي تقول

:حمدلله على سلامتك يا احمد..طمني عليك عامل ايه

:انا بخير والحمدلله أطمني..

:بس شكلك متغير شويه وواضح عليك الارهاق وكمان خسيت

:اكيد طبعا مش في جيش يابنتي، بس متقلقيش حبيبك راجل ويتحمل أي حاجه

:عارفه طبعا وسيد الرجاله كمان، ربنا يعدي مدة جيشك على خير وترجعلي بألف سلامه

:تسلميلي يا رب، ها انتي ازيك عامله ايه واخبار بابا وأختك

:كلنا بخير والحمدلله، وكمان كل يوم بفوت علي طنط بطمن عليها واشوفها لو محتاجه حاجه

:عارف يا قمر هي قالت لي انك دايما بتسالي عليها ومش مقصره معاها في حاجه

:على فكره وحشتني

:على فكره انتي وحشتيني أكتر

:يا سلام ماهو واضح من ساعة ما سافرت مفيش غيرها مكالمه واحده بس وطول المده دي ناسيني

:اولا انا مقدرش انساكي، ثانيا انا في جيش يا ماما ،مش رحلة وموصوع الاتصالات دا مش سهل خصوصا في المنطقه اللي انا فيها، مش عايزك تزعلي وتكوني فاهمه ان دا غصب عني يعني لو عليا عاوز اكلمك كل ساعه وكل دقيقه كمان

:عارفه ياحبيبي

:ها قوليلي هو ايه الموضوع اللي كلمتيني عنه وقولت انك عاوزه تقابليني عشان نتكلم فيه

قبل أن ترد عليه ..جاءها أتصال هاتفي من أختها

:الو انتي فين يا غادة

:انا بره في مشوار..ليه في حاجه

:بابا تعب شويه وجبنا له الدكتور

:ياحبيبي يا بابا ..انا جايه حالا

سألها احمد بقلق

:خير يا غادة ماله بابا؟

وصل الأثنان لشقة والد غادة ودخلت هي مسرعه لغرفة والدها ..ووقف أحمد في الصاله

كانت أميره تقف بجوار شابين ..قالت ل احمد

:أحب أعرفكم ب أحمد ابن الجيران..ودا الأستاذ محمود 

خطيبي اكيد عارفه

مد يده لمصافحته وقال

:اه طبعا أنا حضرت حفلة خطوبتكم من كان شهر

ربنا يتمم بخير.

ثم سأل أحمد أميره عن الشاب الثاني

فردت عليه 

:ودا الدكتور خالد صديق محمود ..ثم سكتت برهة

وأثناء مصافحة أحمد له ..أستطردت قائله

:وخطيب غادة 

نظر أحمد مندهشا ل أميره وللدكتور خالد ولم يجد ما يقوله

فقالت أميره

:عقبالك يا أحمد

#يتبع

#حماده_هيكل